Më shumë detaje mësohen tani për historinë e gruas që ndërpreu një program lajmesh të mbrëmjes ruse në Channel 1 të kontrolluar nga shteti për të mbajtur një shenjë kundër luftës.
Mediat shtetërore në Rusi nuk e kanë mbuluar këtë protestë. Vetëm një gazetë e pavarur ka vendosur një imazh në ballinën e saj, por atyre u është dashur të fshijnë fjalët në tabelën që mbante gazetarja, sepse në fakt është një vepër penale të botosh fjalët.
Nuk dihet aktualisht se ku është gazetarja e quajtur Marina Ovsyannikova. Ajo u ndalua mbrëmë. Avokati i saj thuhet se u përpoq ta gjente atë në të gjitha komisariatet pranë qendrës televizive, por me sa duket nuk ka mundur ta gjejë atë. Një agjenci shtetërore e lajmeve sapo ka raportuar se kundër saj ka nisur një hetim paraprak.
Kremlini i është përgjigjur gazetares që ndërpreu transmetimin e drejtpërdrejtë për të denoncuar luftën në Ukrainë.
Marina Ovsyannikova mbajti një tabelë prapa prezantueses së studios së televizionit shtetëror rus Channel One dhe bërtiti parulla, përpara se transmetimi të ndërpritej.
Rusia ka vendosur kontrolle të rrepta në raportimin e lajmeve, duke ndaluar përdorimin e fjalëve “luftë” ose “pushtim” dhe në vend të kësaj duke iu referuar konfliktit si një “operacion special ushtarak”. Ata që shkelin ligjet, të cilat hynë në fuqi gjatë pushtimit, përballen me 15 vjet burg.
Marina Ovsyannikova, an editor at a TV channel in Russia, interrupted a live broadcast with a sign that read “NO WAR. Stop the war. Don’t believe the propaganda. They’re lying to you here.” She has since been detained. This is an act of incredible courage. pic.twitter.com/BOJ70m2ztv
— Bernie Sanders (@SenSanders) March 14, 2022
