Atletico Madrid triumfoi 1-0 në transfertë ndaj Manchester United duke siguruar biletën për në çerekfinalet e Ligës së Kampioneve.
Në “Old Trafford”, Ronaldo me shokë detyrohen të ngrenë flamurin e bardhë pasi Atl. Madrid arrin të fitojë në ndeshjen e kthimit që i jep kështu një vend në çerekfinalen e Champions League.
Sfida e parë u mbyll në barazim 1-1 teksa sot fitoi 1-0 Simeone skuadra e të cilit në pjesën e parë ishte më e rrezikshme dhe me De Gean që shmangu golin momental, nuk mund të bënte asgjë në 41’ kur pas një krosi të Felix, Renan Lodi me kokë kalon me meritë përpara spanjollët.
Pjesa e dytë është më emocionuese dhe në 62’ Sancho rrezikon dukshëm portën e Atleticos por nuk shënon ndërsa në 77’ Jan Oblak bëhet heroi i mbrëmjes duke larguar një goditje me kokë nga Varane. Minutat tensionojnë “djajtë e kuq” që nuk krijojnë dot raste të pastra dhe me meritë Atl. Madrid arrin çerekfinalen teksa Ronaldo i bashkohet Messit duke u eliminuar në 1/16-t.
