Ish-kryeministri, Sali Berisha, vendosi të kalonte Ditën e Verës në Elbasan. Pritja që iu rezervua ishte e jashtëzakonshme.
Rreth tij u bashkuan qindra qytetarë që i dhanë dorën dhe kërkuan të bëjnë foto së bashku.
“Ti je shpresa jonë,” dëgjoheshin qytetarët e shumtë që e takonin Berishën.
Shumë prej tyre vendosën t’i japin dhurata simbolike gjatë vizitës në Panairin e Verës. Berisha shoqërohej nga deputeti Luçiano Boçi.
Disa qytetarë shpreheshin se ai është i vetmi që mund të largojë Edi Ramën, të cilin e quajtën si e keqja më e madhe e vendit. Të tjerë thanë se prisnin pranverën e ndryshimit.
Mes atyre që e përqafuan dhe bënë foto me Berishën kishte të moshuar, fëmijë, adoleshentë dhe të rinj.
“Ju jeni opozita e vërtetë,” dëgjoheshin disa tregtarë, ndërsa Berisha konfirmoi se ndryshimi do të vijë shumë shpejt.
