Katër shqiptarë janë arrestuar për terrorizëm në Bari të Italisë gjatë ditës së sotme.
Ata financonin aktivitetin e Genc Ballës dhe imamëve të tjerë, të akuzuar si radikalë.
Në pranga përfunduan Yljan Muça 31 vjeç, Roland Leshi 37 vjeç, Elsio Ramku 33 vjeç dhe Roland Belba 37 vjeç.
Muça njihet si personi që ishte nismëtari i mbledhjes së parave për Genc Ballën. Ky i fundit rekrutonte luftetarë, që të luftojnë me ISIS-in.
Leshi dhe Ramku bënin rolin e ndërmjetësit me Genc Ballën, e paratë i kalonte Roland Belba.
Ata akuzohen se mblidhnin fonde për aktivitetin terrorist të imamit të një xhamie në Kavajë, Genci Balla, i dënuar me 17 vite burg për rekrutimin e dhjetëra luftëtarëve të dërguar në Siri.
Yljan Muca ishte nismëtari i grumbullimit të parave për Genc Ballën që rekrutonte terroristë për ISIS. Roland Leshi dhe Elsio Ramku ndërmjetësit me Genc Ballën, ndërsa lekët i kalonte Roland Belba.
Sipas hetimit të autoriteteve italiane, në një rast paratë janë dërguar me një kamion, i cili u transportua me traget nga Italia.
Hetimet e bazuara në teknikat moderne të monitorimit të komunimit në ueb, kanë identifikuar se katër shqiptarët mbështesnin propagandën xhihadiste si edhe shpërndanin komunikata e dokumente të përkthyera në shqip të ish-liderit të Shtetit Islamik Abu Bakr Al Baghdadi e zëvendësuesit të tij Ebu Ibrahim El Hashimi El Kureshi.
Dokumentet në shqip redaktoheshin nga imami shqiptar i dënuar, Genci Balla.
Genci Balla ishte mes 9 personave të dënuar nga Gjykata e Krimeve të Rënda me 17 vjet burg, e më pas nga Apeli, në të ashtuquajturin gjyqi ndaj xhihadistëve. Hetimi në Shqipëri për grupin e imamëve të vetëshpallur u drejtua nga prokurorja Elizabeta Imeraj. Aktualisht Genci Balla ndodhet i izoluar në regjimin “41-BISS”. Sipas hetimeve të drejtuara nga prokurorja Elisabeta Imeraj, grupi ku bënte pjesë dhe Genci Balla rekrutoi gati 100 shtetas shqiptar përkrah ISIS, në Siri.
