Vllaznia u mposht nga Tirana në “Loro Boriçi” dhe tani në Shkodër duan të bëjnë kthesën në transfertë kundër Egnatias në Rrogozhinë.
Trajneri Thomas Brdaric pret lajme të mira nga infermieria, pasi ndaj bardhebluve mungonin për shkak dëmtimesh Gurishta, Jonuzi dhe Da Silva.
Në sfidën ndaj Egnatias mungesë e sigurt është Ante Aralica. Autori i golit ndaj Tiranës u ndëshkua me karton të verdhë dhe do të jetë i pezulluar.
Brdaric duhet të vendosë se kush do të luajë në majë të sulmit. Durdjevic është një opsion, por tani është rikuperuar edhe Ardit Hoxhaj që pret të rikthehet sërish i rëndësishëm.
