Pedagogu dhe aktivisti Arlind Qori, ishte i ftuar në emisionin “Të Paekspozuarit” në MCN TV, ku foli për protestën kundër rritjes së çmimeve.
Qori tha se protesta nuk ka udhëheqës, por është një protestë e mllefit dhe pakënaqësisë.
Qori tha se edhe faktorë të tjerë socialë mund ti bashkohen protestës, si studentët, duke e intensifikuar atë.
Arlind Qori: Në të tilla protesta nuk ka kokë. Nuk është si protestat që thërret Lulzim Basha. Aty ka mllef të madh, pakënaqësi. Rritja e çmimeve është shkëndi e akumulimeve vit pas viti. Shqipëria e ndjen shumë krizën, sepsë është në buzë të greminës. Jemi vendi i parafundit në rajon për pagën minimale. Kemi 10% të popullësisë në varfëri absolute. Kemi të ardhura mesatare 7-8 herë sa mesatarja europiane. Jemi vendi në Evropë me të ardhurat më të pakta. Mjafton pak që ne të na hedhësh në greminë. Jemi vend me padrejtësi të jashtëzakonshme.
Ylli Rakipi: A ka udhëheqës protesta? Sepse aty mund të bëhen 100 kërkesa përshembull.
Arlind Qori: Sa kohë nuk ka shtab, figurë partiake, protest janë të tilla. Ne kërkojmë hetim me sektorin e hidrokarbureve. Kërkojmë minimiumin jetik, siç e ka llogaritur avokati i popullit, 180 mijë lek. Përse Shqipëria nuk ka autonomi ushqimore? Ia kërkojmë llogari qeverisë…
Ylli Rakipi: A do të vijojnë protestat dhe a do të përshkallëzohen ato?
Arlind Qori: Protesta do të vijojë. A do përshkallëzohet? Nuk e di. Mund të intensifikohet. Mund të dalin faktorë të tjerë social në protesta. Mund të dalin studentët. Deri tani është protestë e punëtorëve dhe shtresës së mesme. Nëse hyjnë studentët, do të hyjnë me kërkesa specifike. Nuk është protestë vetëm kundër rritjes së çmimeve. Kjo situatë ka shërbyer si një lloj shkëndije për shumë pakënaqësi. Për ndjenjën e qytetarit të zakonshëm, për të qenurit të vjedhur. Qindra milionë euro që pervetësohen dhe duken si normale.
