Një aksident i rëndë është regjistruar pas mesnate në kryqëzimin e “21 Dhjetorit” në Tiranë. JOQ ka ndarë pamjet nga vendi i ngjarjes, ku shihen dy mjete të dëmtuara në rrugë.
Paraprakisht dyshohet se dy makinat u përplasën me njëra tjetrën. Në video shihet që forcat e policisë dhe ambulanca ndodhen në vendin e ngjarjes.
Nga aksidenti, fatmirësisht nuk ka pasur viktima, por vetëm të plagosur. Policia ende nuk ka dalë me një njoftim zyrtar lidhur me aksidentin.
