Aktivisti Migen Qiraxhi përballë kryeministrisë shpreh revoltën ndaj kryeministrit Rama.
Rama akuzoi protestuesit se po turpërojnë Shqipërinë në sytë e botës duke protestuar. Qiraxhi tha se turp është që të mos kujdesesh për popullin dhe mos bësh punën.
Qiraxhi: Shumica janë në këtë shesh sot duke izoluar në vetminë e madhe kryeministrin prapa këtyre dyerve të hekurta. Ne i themi kryeministrit se turp është të vjedhësh, turp është mos vësh punën dhe të lësh popullin të varfër. Turp është të tallesh me njerëzit, turp është të thuash jemi në luftë dhe të shkosh në Dubai. Turp është kur në Ukrainë funksionon shteti dhe në Shqipëri paralizohet, turp është kur bombat bien në Ukrainë dhe viktimat janë në Shqipëri. Ne dolëm që ta ndalim, dolëm për dinjitetin tonë. Qytetarët çdo ditë po fitojnë dinjitetin e tyre, dalin për hallin e vet. Sot jemi mbledhur për t’i thënë që nuk dorëzohemi.
