Aktivisti dhe eksperti i ekonomisë, Pano Soko u shpreh nga mikrofoni i protestës se Rama e quan popullin pakicë, kur çmimet janë rritur me 20-30%.
Ai tha se populli nuk ha karkaleca si Rama dhe miqtë e tij, duke shtuar se nuk ndërhynë për çmimet sepse e do popullin e varfër.
“Nuk do të flisja, por prap ia doli që të më acarojë Rama. Del dhe thotë se jemi pakicë e zhurme. Produktet janë rritur të gjithë më 20-30%. Çfarë hanë njerëzit në këtë vend karkaleca? Jo mor zotëri, se ha ti karkaleca nuk ha populli karkaleca. Varfëria ka kapur kulmin. Për një mua do të jemi të gjithë të varfër. Ai është pakica. Rama e do këtë krizë, sepse në kohë krize të pasurit bëhen më të pasur dhe të varfërit bëhen më të varfër. Do të na blejë lirë. Prandaj ai nuk ndërhynë. Këtu janë shumica dhe nuk ka Putin në botë që i rri përballë shumicës, sado i gjatë qoftë. Çdo Putin ka fundin e tij”, tha Soko.
