Deputeti demokrat Edi Paloka, i pozicionuar tashmë me grupin e ish-kryeministrit Sali Berisha ka zbardhur bisedën e tij me Lulzim Bashën, kur i ka kërkuar votëbesimin.
Sipas tij, Basha nuk e ka pranuar votën kurrë dhe i ka thënë prerë që, nëse hyn në garë me Berishën është i humbur.
“Kur i kërkova votëbesimin dhe të gjitha që i kam thënë sot janë ndihmë më shumë për Bashën se Berishën dhe Komisionin e Rithemelimit. Akti që ke kryer ka përçarë PD, kërkoji votëbesimin partisë dhe ma tha copë sot, nëse hyj me të më shkel me këmbë a diçka të tillë, si pretendon të hysh ai do të mundë, por sot ke mundësi që të dalësh me nder nga kjo punë. Ka pasur gazetarë që e kanë pyetur për propozimin tim dhe ka thënë prerë jo. I kam thënë je i ri në politikë nëse do hapësh krahun dhe t’u japësh mundësi demokratëve të hyjnë në garë do i kthehet gjithë kjo urrejtje në simpati dhe favor dhe do kesh hapësirë se Berisha nuk do të rrijë gjithë jetën aty”, tha Paloka në “Intervistë me Merita Haklajn” në A2 News, i cili thekson se po u rikthye vota, rikthehet gjithçka në PD.
