Moderatori i emisionit “Zonë e Lirë”, Arian Çani, e pyeti mbrëmjen e sotme deputetin Ervin Salianji, nëse pas 6 marsit PD është ndarë në 3 pjesë apo jo. Çani tha se deri para 6 marsit kishin 2 grupime, njërin të Sali Berishës dhe tjetrin të Lulzim Bashës, ndërsa tani ka dalë edhe një grupim deputetësh që kërkojnë dorëheqjen e Bashës.
Por Salianji tha se tani synohet të ketë vetëm një PD. “Mund të ketë 50 mendime të ndryshme, por ajo që synohet është të bashkohet PD, pra të kemi një parti të bashkuar”, tha Salianji.
I pyetur nëse Lulzim Basha ka me vete shumicën e Grupit Parlamentar, Salianji tha se “Jo, Lulzim Basha nuk është shumicë në grup”.
