Ashtu siç ishte paralajmëruar, në Berat ka nisur protesta kundër rritjes së çmimit të naftës dhe produkteve të tjera ushqimore.
Me pankarta në duar dhe flamurin kuq e zi, qytetarët kanë dalë në rrugët e qytetit, dhe kërkojnë uljen e çmimit të naftës, taksave dhe produkteve të tjera.
Ata u kanë bërë thirrje dhe qytetarëve të tjerë, që t’i bashkohen protestës për të drejtat e tyre.
“Eja të bashkohemi të gjithë së bashku, për interesat tona, për familjen tonë. Të bashkohen edhe ata që të bëjnë sehir. Nuk është frikë të refuzosh mjerimin. Ju lutem dilni në protesta. “-bën thirrje qytetari.
Për të tretën ditë me radhë në të gjitha qytetet e vendit po vazhdojnë protestat kundër rritjes së çmimeve.
