Adriatik Lapaj, avokati i cili bëri thirrjen i pari në rrjetet sociale për protestë popullore kundër rritjes së çmimeve, ishte i ftuar në studion e Arjan Çanit. Lapaj tha se në situatën ku kemi arritur nuk kemi të bëjmë me çështje të qejfit, por një pamundësi ekonomike për të jetuar.
Shqipëria në këto momente, tha Lapaj, nuk ka asnjë paketë për ndihmën ekonomike për familjet në nevojë.
Lapaj foli pikë së pari për naftën që e quajti thembrën e akilit në ekonomi.
Risjell në kujtesë një deklaratë të Ramës në vitin 2013 ku ka thënë se Shqipëria eksporton 1 milion ton naftë.
“Ne prodhomjë 1 milion deri në 1.8 milion ton naftë në vit dhe kjo vidhet masivisht. Ne jemi një vend prodhues. Vendi më i madh i prodhimit të naftës në ballkan. ne prodhojmë më shumë naftë se Ukraina. Në harxhojmë 650 deri në 700 mijë ton. Thonë se nafta jonë është e keqe. Por ata e shesin me pak lekë. Ne duhet të fitonim nga importi i naftës dhe jemi në këtë pikë ku shfrytëzohemi nga kjo klasë politike. Unë e kuptoj bursën. ne nuk ndërhyjmë dot në bursë, por ne nuk mund të bëhemi palë me matrapazët e bursës. Kryeministri tre ditë më parë tha se nuk kemi ç’ti bëjmë dhe sot pranoi se qeveria ka mundësi të ndërhyjë”.
