Një person është arrestuar në akuzën se po përdiqte dhe kërcënonte vazhdimisht një shtetase.
Mësohet se 29-vjeçari me iniciale A.C ka përndjekur dhe kërcënuar me mesazhe një 31-vjeçare.
Materialet i kanë kaluar Prokurorisë për veprime të mëtejshme.
Njoftimi i plotë:
Përndiqte dhe kërcënonte në mënyrë të vazhdueshme një shtetase, arrestohet në flagrancë nga Policia 29- vjeçari.
Nga specialistët për Hetimin e Krimit në Komisariatin e Policisë Bulqizë, u bë arrestimi në flagrancë i shtetasit A. C., 29 vjeç, banues në Bulqizë.
Arrestimi i tij u bë pasi, ka përndjekur në mënyrë të vazhdueshme një 31- vjeçare, si dhe e ka kërcënuar e shantazhuar nëpërmjet mesazheve në telefon.
Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
