Kryeministri Edi Rama ka bërë të ditur se do të ndërmerren masa drastike ndaj atyre që abuzojnë me çmimin e naftës sidomos furnizuesit. Deklarata e Ramës vjen dy ditë pasi ai deklaroi se Qeveria nuk mund të ndërhyjë në treg, por duket se protestat anembanë vendit e kanë bindur të ndryshojë mendim.
Sipas tij, në 48 orët në vijim do të miratohet një akt normativ që do të frenojë çdo tendencë për spekulim me çmimin e naftës.
Rama vuri në dukje se furnizuesit e naftës do të jenë na tavolinë me qeverinë për të përcaktuar çmimet dhe për të ndaluar çdo abuzim me to.
“Unë njoh aq shumë familje shqiptare se si jetojnë njerëzit, dhe askush nuk mund të më japë leksione mua se si jetojnë njerëzit. I dëgjoj me shumë respekt dhe përgjegjësia për të udhëhequr ngrihet mbi përgjegjësi dhe fakte dhe nuk mund të drejtohet që hidh një hap dhe më pas shkohet në greminë.
Përderisa nafta është një mall, dhe përderisa ku vend është në luftë dhe lufta ka ardhur me çmimin e naftës.
Do të ndërhyjmë për të frenuar çdo tendencë spekulative dhe brenda 48 do të krijojmë një plan dhe akt normativ. Furnizuesit e vendit do të jenë në tavolinë me qeverinë dhe marzhi i fitimeve do të përcaktohet në atë tavolinë dhe do të flitet për të gjitha aspektet deri te pika fundore e shitjes”, u shpreh Rama.
