Shpëtim Duro ka qenë i preferuari i presidentit Ardjan Takaj për të marrë drejtimin e Skënderbeut pas dorëheqjes së Migen Memellit. “Panorama Sport” shkruan se mes kreut të klubit dhe trajnerit që deri pak kohë më parë drejtoi me sukses Laçin, ka pasur një takim në orët e fundit, por palët nuk arritën një marrëveshje. Këtë e konfirmoi për gazetën edhe vetë Duro.
“Po, është e vërtetë që kam pasur një takim me presidentin. Dëshira është për të bashkëpunuar me Takajn dhe Skënderbeun, pasi kam kujtime shumë të mira. Megjithatë, në këtë situatë nuk pranova”, ka sqaruar dje trajneri 62-vjeçar, i cili në vitin 2011 u fut në historinë e Skënderbeut, duke fituar titullin kampion.
