Avokati Adriatik Lapaj, një prej organizatorëve të protestave qytetare, tha në studion e emisionit Opinion, se qeveria nuk mund të bëhet palë me spekulantët, që kanë rritur çmimet në mënyrë abuzive.
“Po abuzohet nga spekulantët, Qeveria po mbledh më shumë para, ndërsa qytetarët po pagujnë kostot për gjithçka që ndodh.
Litri i naftës mund të shkojë 10 mijë lekë litri, por kjo sdo të thotë që Qeveria të përfitojë 5 mijë lekë nga akciza dhe TVSH. Sa më i lartë çmimi, aq më shumë grumbullon para Qeveria nga TVSH e cila është 20 %”, tha Lapaj.
Ai shtoi se në protestë kanë dalë të majtë e të djathtë, qytetarë të pa parti, janë kategori të ndryshme, që po vuajnë rritjen e çmimeve.
“Protestat nuk do të ndalen. Ditën e shtunë do mblidhen qytetarët në sheshin Skënderbej, në orën 11:00, dhe marshojmë drejt Kryeministrisë”, tha Lapaj.
