“Lulzim Basha ka kaluar çdo vijë të kuqe”, u shpreh ish-Kryeministri Sali Berisha në një intervistë për emisionin Opinion.
Berisha tha se gjithsesi ne nuk përjashtojmë njeri dhe nëse Basha do të hynte në një garë, atëherë do të duhet ti nënshtrohet votimit, votës së lirë.
“Unë e kam thënë se të gjithë ata që duan të kontribuojnë në procesin e rithemelimit të PD janë të mirëpritur. Zero ndikim kanë deklaratat e kujdo te unë, thjesht kushti që kam unë është vota e lirë”, tha Berisha.
Ai u shpreh se Basha është degraduar me veprimet dhe qëndrimet e tij, rrëmbeu logon e PD dhe ky ishte një veprim shumë i rëndë.
