Këngëtarja e famshme me origjinë shqiptrare, Rita Ora ka kërkuar ndihmë për të gjitha gratë e prekura nga lufta që po zhvillohet në Ukrainë.
Në rrjetin social Instagram ajo ka publikuar një fotografi ku bën një thirrje publike për ndihmë, duke shpërndarë një nga postimet e UNICEF-it të Mbretërisë së Bashkuar, i cili aktualisht po mbledh fonde për të ndihmuar ukrainasit.
“Ju lutem konsiderojeni dhurimin te UNICEF UK, i cili është duke ndihmuar dhe mbështetu gratë e Ukrainës gjatë kësaj kohe shkatërruese”, shkroi Rita Ora në mbishkrimin e postimit.
Kujtojmë se prej disa vitesh këngëtarja shqiptare është zgjedhur si ambasadore e “UNICEF”. Në prill të vitit 2019, ajo realizoi një vizitë të veçantë me UNICEF-in në Kosovë, duke vizituar familjet nevojtare në disa zona të varfra të vendit të saj.
