Shtohen zërat kundër Lulzim Bashës në rradhët e Grupit Parlamentar demokrat. Në mbledhjen e fundit të Grupit Parlamentar zhvilluar mbrëmjen e së hënës të paktën 18 deputetë i kërkuan Bashës dorëheqjen, pvr ti hapur rrugën procesin zgjedhor në parti dhe asaj që ata e konsidrojnë bashkim. Pas kësaj dy nënkryetarët, Agron Gjekmarkaj dhe Grida Duma, paraqitën dorëheqjet nga funksionet partiake.
Ndërkohë sot, deputetja Dhurata Çupi deklaroi se Basha është përgjegjës për krizën e thellë në PD dhe se kërkon prej tij të dorëhiqet.
“Partia Demokratike është në krizën më të thellë në 30 vite. Patjetër që shkaktari kryesor është lidershipi. Krizat zgjidhen me votë dhe votëbesim. Duhet të japë dorëheqjen Z. Basha, që t’i hapë rrugë bashkimit dhe konkurrimit të drejtë përpara demokratëve. PD sot ka nevojë për lider që të na çojë drejt fitores. Dëshpërim i madh që PD humbet mbështetjen e Shkodranëve e Dibranëve, si dy bastionet e PD”, u shpreh Çupi.
Në anën tjetër, Lulzim Basha mblodhi dje disa nga drejtuesit e degëve dhe kandidatët me të cilët garoi në zgjedhjet e pjesshme të 6 marsit,në një tentativë për të treguar se ka ende mbështetje.
