Andreas Christensen ka vendosur: e ardhmja e tij do të jetë larg Premier League dhe larg Chelsea-t dhe më saktësisht në Spanjë, te Barcelona.
Mbrojtësi e ka zgjedhur skuadrën e re. Siç ka bërë të ditur Sport, pas skadencës së kontratës me Blues, lojtari do të nënshkruajë me katalanasit pavarësisht… babait të tij.
Po, sepse e përditshmja iberike ka shkruar se para se ta marrte vendimin e tij, futbollisti ka qenë i detyruar të bëjë llogaritë me dëshirën e babait të tij, i cili kujdeset për interesat e të birit që në fëmijërinë e tij.
Nga sa mësohet, babai i Christensen duket se ka kërkuar ta bindë të rinovojë kontratën me Chelsea-n ose të pranonte oferta të tjera, më të mira në aspektin ekonomik, nga ana e ndonjë klubi tjetër të Premier League.
Nga ana e tij, lojtari është i tërhequr nga blaugranat dhe ka qenë i vendosur në zgjedhjen për t’u transferuar në Camp Nou.
