Reperi i njohur Drake ka humbur plot 275 mijë dollarë pasi vuri bast se Jorge Masvidal do të mposht ish-shokun e skuadrës, Colby Covington në UFC 272.
Përmes disa pamjeve në rrjetin social Instagram ai shihet teksa po vendos bastin më të madh për Masvidal. Megjithatë, ky i fundit e humbi ndeshjen duke shkaktuar një humbje të madhe monetare edhe për reperin e njohur.
“Le të flasim për të gjitha paratë që Drake humbi sonte, ai duhet të kthehet në shitjen e albumeve për t’i fituar paratë”, tha ndër tjera Covington.
Masvidal tha se kjo ishte paraqitja e tij më e dobët ndër vite, ndërsa ofendoi kundërshtarin e tij Covington, për të cilin u desh të ndërhynte sigurimi në mënyrë që situata të qetësohej.
