Ish-nënkryetari i FRPD Lisandër Hoxha, ka komentuar zgjedhjet e 6 marsit, ku PD nuk mori asnjë bashki, PS mori 5, ndërsa Grupi i Rithemelimit mori 1 bashki.
Në një intervistë për RTV Ora, Hoxha u shpreh se Lulzim Basha është i dërmuar, ndërsa shtoi se PD reale është Kuvendi i 11 dhjetorit 2021.
Ndër të tjera ai tha se Lulzim Basha duhet larguar nga PD, ndërsa theksoi se vetëm vota e lirë do të zgjedhë dhe kryetarin e ri të PD.
“Basha ndodhet i dërmuar. U tregua dhe u dëshmua se opozita e vendit ka një dëshirë për të rimobilizuar jashtë staturës së Bashës. PD reale është Kuvendi i 11 dhjetorit. Është dekonspiruar si një pykë, mes demokratëve dhe fitores. Di që sot Basha në PD kontrollon 2-3 persona dhe pjesa tjetër as nuk i përgjigjen. Basha duhet të ishte larguar. Kjo situatë i ka lodhur demokratët. Ne e kemi nisur procesin e riformimit të PD. Po riorganizojmë PD në degë. Herë tjetër do të jemi gati për ta shpartalluar rilindjen.
Më 22 mars do të ketë garë të vërtetë. Sistemi në PD është vota. Largimi i Berishës është marksizëm. Do të ketë një garë.”
