Zhvillimet e vrullshme nga Ukraina vazhdojnë, ku të gjitha palët janë duke kërkuar që të gjendet një zgjidhje sa më e mirë, që të mos ketë më gjakderdhje.
”Për Krimenë dhe Donbasin me Rusinë “mund të diskutojmë dhe të gjejmë një kompromis, se si të vazhdojmë të jetojmë”, por Ukraina nuk do të pranojë një ultimatum nga Kremlini”, tha presidenti ukrainas Volodymyr Zelensky në një intervistë për ABC.
“Nëse flasim për territore të pushtuara përkohësisht dhe republika që nuk njihen nga askush”, tha Zelensky, duke iu përgjigjur një pyetjeje në lidhje me kërkesën ruse për të njohur Krimenë si ruse dhe Donbasin të pavarur, “mund të diskutojmë dhe të gjejmë një kompromis”.
“Për mua është e rëndësishme të di se si njerëzit që duan të jenë pjesë e Ukrainës do të jetojnë në ato territore”, tha ai.
Për Zelenskyn, e rëndësishme është që “Putini të nisë të flasë”. Rusia vazhdon pushtimin e Ukrainës, ndërsa edhe dialogu mes palëve për të arritur paqe të mundshme vazhdon.
