Në ditën e 13 të luftës, Presidenti ukrainas Zelensky u shpreh gati për të diskutuar të gjitha kërkesat e bëra nga Vladimir Putin.
“Për territoret e pushtuara përkohësisht dhe pseudo-republikat që nuk njihen nga askush përveç Rusisë, ne mund të gjejmë një kompromis se si do të jetojnë këto territore”, shpjegoi Zelensky në një intervistë për ABC, për rajonet separatiste Donbass dhe Krimesë.
Ai la të kuptohet se mund të diskutohet edhe nëna e të gjitha çështjeve për Moskën, heqja dorë e Kievit nga NATO. “Kam ftohur çështjen shumë kohë më parë, pasi kuptova se NATO nuk dëshiron të pranojë Ukrainën”, ishte përgjigja e tij.
Diçka mund të ndodhë të enjten në Turqi, ballë për ballë mes ministrave të jashtëm Kuleba dhe Lavrov. E para në një nivel të lartë midis Moskës dhe Kievit që nga fillimi i konfliktit.
“Por unë jam gati për dialog, jo për kapitullim”, tha Zelensky, i cili mori tone më luftarake në një video ndërhyrje në parlamentin britanik. “Ne nuk do të dorëzohemi, Rusia është një shtet terrorist dhe ne po e luftojmë atë”, ka brohoritur ai shoqëruar me duartrokitjet e Ëestminsterit. Dhe duke treguar talentin e tij si një ish-shoëmen, ai joshi deputetët me një citim të Churchill-it dhe duke i bërë vetes pyetjen “Shekspirian, të jesh apo të mos jesh”.
Dhe “përgjigjja jonë është po”, na siguroi ai, ne duam të “ekzistojmë”. Më pas shfaqi kritika për NATO-n se nuk ka vendosur një zonë ndalim-fluturimi.
Kina ‘futet në lojë’
Në një videokonferencë me presidentin francez Macron dhe me kancelarin gjerman Scholz, presidenti kinez Xi Jinping kërkon “moderim maksimal” në Ukraine.
Në takimin e parë me liderët e perëndimit që nga nisja e krizës, Xi është shprehur se Kina mbështet respektimin e sovranitetit dhe integritetit të të gjitha vendeve.
“Të gjitha përpjekjet për një zgjidhje paqësore duhet të mbështeten” ka deklaruar ai, ndërsa shton se sanksionet do të kenë një ndikim negativ sepse janë të dëmshme për të gjitha palët.
Kina vlerëson përpjekjet për ndërmjetësim që kanë ndërmarrë Franca dhe Gjermania dhe është e gatshme për të mbajtur koordinimin me dy vendet europiane e madje për të luajtur edhe një rol aktiv me komunitetin ndërkombëtar ‘sipas nevojave të të gjitha palëve”.
ANSA raporton se Kina është në favor të zhvillimit të një “dialogu mes të barabartëve”, që përfshin Europën, Rusinë, Shtetet e Bashkuara dhe NATO-n.
