Qyteti jugor i Ukrainës, Kherson, ishte qyteti i parë i madh që ra nën kontrollin rus javën e kaluar. Hussain, i cili jeton atje me gruan dhe vajzën e tij trevjeçare, ka treguar për BBC Breakfast se si është jeta në qytetin e pushtuar
“Gjërat kanë qenë të qeta brenda qytetit, ne nuk shohim trupa ruse gjatë ditës,” thotë ai. “Unë mendoj se problemi i qytetit nuk është lufta tani, ne po kalojmë dy çështje të ndryshme.”
Ai thotë se ata nuk kanë një rrugë të qartë për t’u larguar, me njerëz që ai njeh që kanë provuar të kthehen dhe se nuk ka ushqim të mjaftueshëm.
“Supermarketet tona janë bosh, nuk ka asgjë të ngrënshme”, thotë ai. Hussain thotë se i kanë mbetur vetëm patatet e skuqura dhe çokollata në shtëpinë e tij.
“Nuk e di sa kohë mund t’i mbijetojë kësaj”, thotë ai, duke shtuar se nuk mendon se do të ketë më ushqim së shpejti.
Ndërsa disa kamionë të vegjël kanë ardhur me ushqime, ka radhë me qindra njerëz, tha ai.
