Në “Anfield Road” u zhvillua një betejë e vërtetë për një vend në çerekfinalen e Champions League. Liverpooli vinte nga fitorja e parë 2-0 në “San Siro” por zikaltërit bënë një paraqitje shumë të mirë madje fituan duke rrezikuar ta çonin ndeshjen në shtesë.
Në pjesën e parë Interi sulmoi teksa Liverpool mbante topin ndërsa vendasit ishin pranë golit me Fabinho i cili goditi traversën. Edhe Çalhanoglu ishte pranë golit për zikaltërit teksa Alisson bëri pritje shumë të mirë.
Pjesa e dytë nisi në mënyrë të zjarrtë për miqtë që insistojnë më shumë dhe në 62’ gjejnë golin me një perlë nga Lautaro Martinez.
Gëzimi për Interin nuk zgjat shumë pasi vetëm 1 minutë më pas Alexis Sanchez bën një faull krejtësisht idiot duke dale me të kuq e sigurisht duke penalizuar skuadrën e Inzaghit.
Me një lojtar më pak, Interi nuk mund të bëjë më shumë me gjithë zëvendësimet e kryera me Liverpool që humbasin në “Anfield Road” por shkojnë gjithsesi në çerekfinalen e Champion League.
