Deputetja demokrate Grida Duma, e cila u emërua nga Lulzim Basha si nënkryetare e PD, u shpreh se rezultati i marrë nga kandidatët e kësaj partie në zgjedhjet e pjesshme në 6 bashkitë e vendit, ishte dëshpërues.
Reagimi i Dumës erdhi pas shpalljes së rezultateve zyrtare, ku kandidatët që garuan në siglën e PD, u renditën të 3-të, disa mijëra vota më pak se kandidatët që patën mbështetjen e ish-Kryeministrit Sali Berisha.
“Ne jemi këtu, mbledhjen do ta zhvillojmë tani para seancës parlamentare. Ndërsa mund të them se rezultati është dëshpërues. Në një mënyrë apo në një tjetër, krejtësisht i papritur. Duhen marrë përgjegjësi dhe vendime politike, padiskutim që nga kreu i PD. Se cilat kërkesa do i bëj tek grupi parlamentar i PD ju do njiheni pas përfundimit të mbledhjes”, tha Duma.
