Thomas Brdariç duket i kënaqur edhe me vetëm një pikë ndaj Kukësit.Edhe pse nuk arriti të shkurtonte diferencën ndaj skuadrave që kishte më lart në renditje, trajneri i Vllaznisë u shpreh i lumtur për “SuperSport” pas duelit.
“Mendoj se si analizë pas ndeshjes duhet të jemi OK me një pikë për një kundërshtar të fortë jashtë fushe, një rival direkt për një vend në Europë. Ishim të disiplinuar sot dhe nuk duhet të harrojmë që na u desh të zëvendësonim shumë lojtarë, ndaj jam i kënaqur me pikën që morëm.
Mendoj se jashtë, ndaj një kundërshtari si Kukësi është OK. Është pozitive të marrësh pikë. Në shtëpi mund të vëmë më shumë në trysni kundërshtarin, me tifozët tanë. Ne kishim disa mundësi, nuk i shfrytëzuam, por në përgjithësi them se është në rregull.
Pavarësisht mungesës nuk duhet të shohim se çfarë duhet të bëjmë të fitojmë ndeshjen. Nëse do të ngjitesh në nivel tjetër, duhet të jesh shumë më i qartë, sidomos në ofensive, pa shumë gabime teknike në lojën ofensive. Dhe kjo për mua është një pikë ku duhet të jemi më të përqendruar.
Në mbrojtje jam shumë i kënaqur se nuk i dhamë shumë mundësi Kukësit, por kemi për të përmirësuar në fazën ofensive”, tha Brdariç.
