Një ngjarje e rëndë ka ndodhur te Bayern Munchen. Klubi elitar i futbollit gjerman është përfshirë nga polemika pasi një zyrtar i klubit ka bërë komente raciste ndaj dy sulmuesve të ekipit.
Sipas të përditshmes gjermane “Bild”, Bayern Munich ka shkarkuar një nga punonjësit e saj, pas komenteve të konsideruara raciste drejtuar Eric Maxim Choupo-Moting dhe Serge Gnabry. Bëhet fjalë për një magazinier historik të klubit që punon prej një dekade ose mos më shumë në këtë klub.
Klubi bavarez nuk e ka konfirmuar zyrtarisht, për momentin, shkarkimin e këtij magazinieri të njohur për të gjithë në ambientet e Bayernit. Gjatë një vizite në qendrën stërvitore të klubit me vajzën e tij, ai mësohet t’i ketë thënë: “Njerëz si këta, përpiqu t’i shmangësh duke i sjellur në shtëpi” duke cilësuar Choupo-Moting dhe Serge Gnabry
Të dëgjuara nga punonjës të tjerë të Bayernit, këto komente iu kaluan drejtuesve, të cilët i konsideruan raciste dhe shkarkimi erdhi menjëherë./Ora News/.
