Pasditen e së shtunës janë shpërndarë materialet zgjedhore në Bashkinë e Lushnjes, një prej 6 bashkive ku nesër do të mbahen zgjedhjet e pjesshme vendore për Kryebashkiak.
Shpërndarja e materialeve zgjedhore është bërë në 157 qendra votimi. Në garën për postin e kryebashkiakut janë Eriselda Sefa nga PS, Indrid Sefa nga PD dhe Elton Bano nga koalicioni “Shtëpia e Lirisë”.
Në Bashkinë e Lushnjes kanë të drejtën e votës 104249 qytetarë. Zgjedhjet e parakohshme për Kryebashkiak të Lushnjes vijnë pas arrestimit të Fatos Tushes, i cili po gjykohet për shpërdorim detyre.
Bashkia e Lushnjes prej vitit 2011 drejtohet nga socialistët.
