Romeo Meçaj, 30 vjeç, u qëllua me breshëri kallashnikovi në zonën e Skelës nga persona ende të paidentifikuar.
Burime bëjnë me dije se i riu ndodhej brenda një mjeti tip ‘Land Rover’ kur ndaj tij u zbraz karikatori i kallashnikovit.
Pak minuta më pas, policia në zonën e Ujit të Ftohtë në Vlorë ka gjetur një mjet të djegur dhe dyshohet se i përket autorëve të atentatit.
Shkaqet dhe rrethanat e ngjarjes mbeten ende të paqarta ndërsa policia dhe grupi hetimor kanë nisur hetimet për ngjarjen dhe kërkimin e autorit.
