Evropa mund të mbijetojë dimrin e ardhshëm pa pasur nevojë të përdorë asnjë gaz natyror rus, në kushte të caktuara, sipas një studimi të kompanisë “Aurora Energy Research”, në ditën e nëntë të pushtimit rus të Ukrainës.
Analistët spekulojnë se pa gazin rus do të kishte një mungesë prej 109 miliardë metra kub gaz natyror, ose rreth 38% e të gjithë gazit të furnizuar në BE.
Furnizimet dhe reduktimet e mëtejshme të konsumit të gazit do të nevojiteshin për të mbushur këtë boshllëk. Furnizimet alternative mund të rriten nëpërmjet një kombinimi të importeve dhe tubacioneve më të gazit natyror të lëngshëm dhe rritjes së prodhimit vendas të gazit. Ruajtja e rezervave të gazit gjithashtu do të luante një rol kyç.
Llogaritjet e kompanisë bazohen në supozimin se objektet e magazinimit do të jenë plot 90% deri në fillim të dimrit të ardhshëm, me një kosto të mundshme magazinimi deri në 109 miliardë dollarë dhe se do të kërkojë mbështetje nga qeveritë, raporton agjencia gjermane e lajmeve “DPA”.
Për t’ia arritur këtij qëllimi do të nevojiteshin shkurtime të konsiderueshme të konsumit, si nga bizneset ashtu edhe nga familjet.
