Dy gra të moshës 60 dhe 80 vjeç janë gjetur pa shenja jete në banesën e tyre. Ngjarja e rëndë ka ndodhur në fshatin Progër të Devollit.
Viktimat janë nusja dhe vjehrra, Fatmira dhe Bukurie Bami. Nga ekspertiza paraprake rezulton se ato kanë shenja dhune në trup.
Dyshimet janë se gratë janë vrarë nga persona, ndoshta të armatosur, gjatë tentativës për grabitjen e banesën e tyre.
Devoll
Informacion paraprak
Më datë 05.03.2022, rreth orës 15:15, jemi njoftuar se në fshatin Progër, Devoll, janë konstatuar nga kryeplaku i fshatit, në banesë, të pajeta dhe me shenja dhune në trup shtetaset F. B., rreth 60 vjeçe dhe vjehrra e saj B. B., rreth 80 vjeçe.
Nga ana e policisë janë ngritur pika kontrolli dhe me grup hetimor nën drejtimin e Prokurorisë të Rrethit Gjyqësor Korçë, po punohet për identifikimin e kapjen e autorit si edhe zbardhjen e plotë të rrethanave të ngjarjes.
