Dua Lipa, e ftuar në ‘Tonight Show’ me Jimmy Fallon, ka treguar se fillimet e saj nuk kanë qenë shumë të pëlqyera dhe këtu nuk e ka fjalën për zërin e saj.
Në një kërcim që ka realizuar në një nga koncertet e saj në 2017, ajo tregoi se u paragjykua shumë dhe më vonë vendosi ta kthente në pikën e saj më të fortë.
“Ky moment më shkaktoi shumë trishtim. Po bullizohesha online dhe nuk ishte aspak e këndshme. Tani kur e shikoj nga një perspektivë tjetër e kuptoj që më ka ndihmuar të rritem dhe të bëhem artistja që jam sot. Më ndihmoi të perfeksionohesha, të bëja më shumë prova sepse dëshiroja të isha një performuese e vërtetë. Dhe tani unë e nis turin tim pikërisht me këtë kërcim”– tregoi artistja.
