Aida Shtina, ish-moderatore, përmes një postimi në rrjetet sociale, ka sjellë në vëmendje një shqetësim që sipas saj ndodh në Durrës, me ritet satanike.
Në mesazhin e saj Shtino ka kërkuar që për një moment shqiptarët të harrojnë atë se çfarë po ndodh në Ukrainë dhe të kthejnë sa më parë sytë nga qyteti bregdetar i Durrësit.
“Se ju ka ngelur mendja tek Ukraina dhe ajo që ndodh aty, por doja t’iu pyesja a dini gjë për ritualet satanike që bëhen në Durrës…? A jeni në dijeni se në Shqipëri ka hyrë një rrymë që po rekruton të rinjtë tanë në rituale të tilla…?
Apo ç’na duhet ne, si thoni, më larg është Durrësi se kemi më afër Ukrainën… Ah, meqë ra fjala, sot e patë foton e radhës së Zelenskit, këtë herë doli me gruan, se duhej të dinim edhe me kë është martuar…”, shkruan me ironi Shtino.
Ritet satanike në plazhin e Durrësit janë ngritur si shqetësim edhe nga eksperti i kriminalistikës Ervin Karamuço.
Një aktet i cili u bë më pas viral në rrjet ishte edhe mbytja e qenit në plazh, ku të rinj të veshur me të zeza, me anë të ritualeve satanike keqtrajtonë kafshët apo dhe njëri-tjetrin.
