Të shtëna me armë janë shënuar në kryeqytet këtë të Enjte. Burime zyrtare nga policia e Tiranës bënë me dije se një person i cili ndiqej nga efektivët, ka qëlluar me armë zjarri.
Nuk raportohet për persona të plagosur.
“Shërbimet e Komisariatit të Policisë Nr. 5, pas informacioneve të siguruara për vendndodhjen e një personi në kërkim për vjedhje, janë vënë në ndjekje të tij. Shtetasi në kërkim E.Ç., kur ka konstatuar se po ndiqej nga shërbimet e Policisë, ka qëlluar me armë zjarri dhe është larguar me shpejtësi”, njoftoi policia.
Shërbimet e policisë vijojnë krehjen e zonës për kapjen e shtetasit në kërkim që dyshohet se ka qëlluar me armë zjarri, shtuan të njëjtat burime.