Tentativa e vetëvrasjes së një vajzë në një shkollë në Kamzë ka ngritur alarmin se në vendin tonë kryejnë aktivitet sekte satanike. Nga shenjat që i janë gjetur në trup adoleshentes, janë hedhur dyshime se pse ajo ka ndërmarrë aktin e rëndë.
Ndërkohë policia në raportin për ngjarjen thuhet se fëmija ka pasur prerje të shumta në duar.
Raporti i policisë është publikuar në emisionin “Sot” në Euroneës, por hetimet e deritanishme kanë zbuluar se e reja kishte dëmtuar veten me dëshirën e saj.
“Në muajin Dhjetor të vitit 2021 ishte identifikuar rasti i nxënëses …., rast i cili ishte referuar në Njësinë e Mbrojtjes së Fëmijëve nga psikologia e kësaj shkolle. Rast i cili me sa dinte kishte të bënte me prerje nga ana e saj e damarëve të kyçit të dorës e më pas të parakrahut të majtë, në anën e brendshme të tij, prerje dhe shpime të shumta me shiringë nga ku kishte tërhequr gjak., gjë e cila ishte pranuar nga ana e saj se e kishte bërë vetë, me dëshirën e saj”, thuhet të raportin e policisë.
Por ky rast nuk ishte i vetmi në këtë shkollë, pasi dhe 2 vajza të tjera kanë dëmtuar veten për t’u bërë si shoqja e saj. Të rejat dëmtimet e vetes i kishin publikuar në rrjetin social “Snapchat”.
