Me datën 6 mars mbahen zgjedhjet e pjesshme vendore në 6 bashki të vendit, mes të cilave edhe Dibra. E ndërsa po zhvillohen takimet përmbyllëse të fushatës, e cila zgjati 21 ditë, mediat raportojnë për një përplasje mes drejtuesit politik të caktuar nga Lulzim Basha në Qarkun e Dibrës, Xhelal Mziu, dhe kandidatit që garon në siglvn e PD, Luan Haka.
Sipas raportimeve mediatike, Haka e akuzon Mziun se po ndihmon kandidin e koalicionit të “Shtëpisë së LIrisë”, Premtim Kryemadhi.
Sipas portalit CNA, krisja midis Xhelal Mziut dhe Lulzim Bashës ka nisur më herët, kur Basha u konsltua për caktimin e kandidatit për Kryebashkiak të Dibrës, me deputetin Kreshnik Çollaku, duke përjashtuar Xhelal Mziun, edhe pse ky i fundit kryesonte listën e deputetëve të qarkut Dibër në zgjedhjet e fundit parlamentare. Duket se përplasja mes tyre ka qenë e fortë, aq sa Mziu nuk është parë as në krahun e Bashës dhe as të Hakës në takimin përmbyllës të fushatës.
Ndërkohë, kreu demokrat Lulzim Basha, në një postim në rrjetet sociale shkruan se “shqiptarët duhet çdo ditë të ecin përpara, të mos qëndrojnë në vend ose, akoma më keq, të ecin mbrapa. Në 6 mars, duke votuar për Partinë Demokratike dhe Luan Hakën, dibranët kanë mundësinë ta kthejnë Bashkinë në shërbim të qytetarëve dhe jo të një grushti njerëzish që e kanë marrë peng për vite me rradhë”.