Nga Boldnews.al
Nëse bota do funksiononte vetëm me propagandë, sharlatanizëm politik dhe batuta idioteske, pushteti ynë i Rilindjes nën drejtimin e Ramës do ishte mu në majën e “arritjeve”. Por realiteti nga tollumbacja e madhe që gërshëtohet sa nga idiotizmi, aq edhe nga dyshimi i një antikombëtarizmi për interes tërësisht personal, po shfryhet shpejt.
Ndërsa Serbia nuk vendosi sanksione ekonomike ndaj Rusisë për pushtimin e Ukrainës, dhe doli si “dele e zezë” kundër BE-së dhe vendeve të tjera Evropiane në ndihmë të Vuçiç, çuditërisht sapo doli Rama.
“141 vende ndëshkojnë Rusinë me votimin e tyre në OKB kundër agresionit ndaj Ukrainës! Rusia hyn në periudhën e vetmisë më të madhe të historisë së saj me veç 4 vende ultradiktatoriale që i qëndrojnë në krah! Vota e Serbisë kundër Rusisë unifikon Ballkanin Perëndimor me Perëndimin”, shkruajti Rama, duke volusur qëndrimin e tij dhe mbrojtur serbinë edhe më shumë ngase po mbron ajo veten.
Serbia ishte nën presion të vazhdueshëm, sidomos nga rezoluta e Parlamentit Evropian që ia vuri në dukje që qëndrimi që ajo mbajti duke mos vendosur sanksione ekonomike ndaj Rusisë, e largonin atë gjithnjë e më shumë nga BE. Vetë elita politike në Serbi u mundua të justifikohej, por nuk gjente dot gjuhën për ta bërë. Por “miku i mirë duket në ditë të vështira”.
Kreu i qeverisë shqiptare gati përshëndeti me plot forcë dhe bindje “votën pro të Serbisë që dënonte luftën”, por përtej kësaj loje kaq të vogël, fshihet ajo që Rama e ka kuptuar mjaft mirë dhe quhet: “отворени балкан”, (Otvoreni Ballkan, në serbisht Ballkani i Hapur).
Rama ka një meritë të madhe dhe me të drejtë mund të vetëquhet pa i ngrenë asnjë hak si “kryeministri” i facebookut dhe këto pesë ditë të fundit u ndje nën trysni, ku shimica e komentuesve e akuzonin për nismën e Ballkanit të Hapur, që e ndërmori me presidentin serb dhe kryeministrin maqedonas, në mënyrë të njëanshme, duke lënë jashtë Kosovën, Malin e Zi dhe Bosnjen që dyshuan me të drejtë se kjo quhet “Jugosllavi e Madhe”. Serbia doli indirekt pro rusisë, duke refuzuar çdo sanksion ekonomik që iu bë në bllok nga SHBA dhe Evropa Perëndimore. Po ashtu komentet se ishim i vetmi vend në Ballkanin Perëndimor pa mjete ushtarake mbrojtëse e vendosën në siklet të sakëlldisurin, që mbrohej me thënien: “Jemi vend i NATO-s”.
Serbia në katër vitet e fundit ka investuar kërcënueshëm në armatimesi avione, raketa me qitje të largët dhe tanke moderne të marra kryesisht nga Rusia. Por ndërsa ajo bënte paradë me armë kërcënuese, kryeministri Edi Rama shpiku një “armë të frikshme” siç ishte nisma e Ballkanit të Hapur. Në terma ekonomik ajo nënkupton lëvizjen e lirë me vendet nënshkruese, heqjen e barrierave doganore dhe tregtinë e lirë, që sipas ekspertëve do shkonin në favor të serbisë.
Këtë nismë Rama e mbrojti, duke pësuar me dhjetëra takime me atë që e quan “miku im Vuçiç”. Megjithatë, në rastin më të parë Serbia tregoi veten ashtu si në shekuj, duke e cilësuar Rusinë mike të mirë edhe pse nisi agresionin ushtarak kundër Ukrainës. Gjithashtu SHBA dhe Evropa Perëndimore ngriti shqetësimin se Rusia kishte në plan të destabilizonte edhe Ballkanin Perëndimor, duke përdorur pikërisht Serbinë në nxitjen e konflikteve në Bosnje dhe më pas në Kosovë.
Tashmë Rama po i bën jehonë një loje serbe të pisët ku në një anë dukshëm del kundër vendosjes së sanksioneve ndaj Rusisë dhe në anën tjetër voton kundër luftës në Urkrainë. Një dyfytyrësi që njihet nga politika serbe prej dekadash, por që ndoshta nga naiviteti politik ekzaltoi aq shumë Ramën sa të shprehej se: “Vota e Serbisë kundër Rusisë unifikon Ballkanin Perëndimor me Perëndimin”. Dil nga facebooku, “Otvoreni Ballkan” mund të jetë strategji që tanket serbe të futen pa doganë…!
