“Edi Rama i dorëzon Shkodrën, partisë së non gratave. Për socialistët vendos Tom Doshi, ai zgjedh kandidaten e PS dhe vendos në poste kyçe të inkriminuar që të mbledhë vota për Edi Ramën. Rama e Doshi, janë bashkë, por shkodranët do zgjedhin aleancën me SHBA”, u shpreh në një deklaratë për mediat nga selia e PD-së deputetja Ina Zhupa. .
Ajo tha se Ramës i duhen sot kriminelë e të korruptuar për të vazhduar të vjedhë Shqipërinë.
“Pazari i rradhës Rama -Doshi u mbyll ne rezidencën qeveritare. Doshi blen votat për Ramën dhe Rama i dorëzon oushtetin në Shkodër, Doshit.
Efektet shihen. Pasi emëroi kandidaten për kryebashkiake në Shkodër, Tom Doshi rikthen në detyrë edhe Serdar Hoxhën, në postin e kryeinspektorit për Veriun në Inspektoratin e Ndërtimit. Riemërimi i tij në këtë post ka për qëllim blerjen e votave në zonën e Velipojë gjë të cilën ai e bëri dhe në zgjedhjet e përgjithshme.
Serdar Hoxha i besuari i Tom Doshit, ka akoma në prokurori një dosje të paverifikuar për të shkuarën e tij kriminale. Gjate zgjedhjeve te përgjithshme ishte kandidati i Tome Doshit.
Tom Doshi, njeriu që vendos për gjithçka në Shkodër në emër të Edi Ramës, emëron persona të inkriminuar për të përfituar vota.
Aleanca e Edi Ramës me Tom Doshin edhe pas shpalljes së tij non grata nga SHBA, nuk është ndalur asnjëherë. Tom Doshi ka përfituar miliona euro nga qeveria e Edi Ramës, për t’i përdorur ato për blerjen e votave ashtu siç bëri në masakrën e zgjedhjeve të 25 Prillit, me të njëjtën skemë po vepron dhe sot së bashku me non gratën tjetër.
Emërimi i njerëzve të Tom Doshit tregon se vota e socialistëve përdoret për pushtetin e Tom Doshit.
Shkodranët në 6 mars do të vendosin nëse do ta lënë bashkinë në administrim të TOM DOSHIT, apo do të refuzojnë non gratat”, tha Zhupa.
Sipas saj, demokratët në 6 mars do të vendosin nëse do ta kenë bashkinë në administrim të LSI dhe Ilir Metes që ta përdorë për hallet e tij
“Zgjedhja s’ka qenë kurrë më e qartë: Kandidatët e Doshit e Metës apo birin e tyre Xhemal Bushatin!
Partinë e non-gratave, apo Partine Demokratike të Shqipërisë!
Aleancën me SHBA, apo aleancën e non gratave?
Kush zgjedh partinë e re të Metës dhe Berishës, mban Doshin dhe Ramën”, tha ajo.
