Komisioneri Shtetëror i Zgjedhjeve, Ilirjan Celibashi, i ka kërkuar Ministrisë së Punëve të Brendshme, që të shtyjë vlefshmërinë e pasaportave dhe Kartave të Identitetit, të cilat kanë skaduar para datës 6 mars.
Nga raportimet mësohet se Komisioneri i kërkon Ministrisë së Brendshme, që qytetarët të cilëve u ka përfunduar afati i përdorimit të pasaportave apo ID-ve, të votojnë në gjashtë bashki të vendit me mjetet e vjetra të identifikimit.
Gjithashtu, KQZ konfirmon se për këtë kërkesë drejtuar Ministrisë së Brendshme, kjo e fundit ende nuk ka marrë një vendim.
Kujtojmë se një vit më parë, në zgjedhjet e 25 prillit, qytetarët të cilëve u kishte skaduar afati i përdorimit të pasaportave apo kartave të identitetit, iu lejua pjesëmarrja në votime me mjetet e vjetra të identifikimit.
