Së paku 16 fëmijë ukrainas janë vrarë, për shkak të luftës së Vladimir Putinit, ka thënë presidenti ukrainas, Volodymyr Zelensky.
Siç raporton “Standard.com.uk”, disa anëtarë të së njëjtës familje janë vrarë ndërsa forcat ruse vazhdojnë pushtimin brutal të Ukrainës.
Është raportuar se familja, duke përfshirë një foshnjë të vogël dhe një gjashtëvjeçare, u qëlluan ndërsa përpiqeshin të iknin nga qyteti jugor i Ukrainës, Kherson. Familja u shua gjatë kohës kur po përpiqeshin të largoheshin nga pushtimi.
Pas bombardimeve të zonave civile në të gjithë vendin, Ukraina tha se 45 fëmijë të tjerë janë plagosur. Të paktën 352 ukrainas janë vrarë.
