Partizani ka arritur një fitore të thellë 5-0 ndaj Kukësit në ndeshjen e vlefshme për javën e 23-të të Superiores.
Skuadra e Mehmetit e nisi vrullshëm takimin dhe në 33’ merr një penallti për një kontakt në zone mes Hilës dhe Skukës. Rasti i dyshimtë por arbitri në VAR e konfirmon teksa Kallaku shënon. Vetëm pak minuta më pas, Skuka arrin të dyfishojë rezultatin në 41’.
Me një rezultat të tillë, Partizani luan më qetë edhe në pjesën e dytë teksa shënon menjëherë sapo nis kjo pjesë me me Junior që realizon një gol shumë të bukur.
3-0 dhe Kukësi e ka të vështirë të reagojë edhe pse gjen golin në 56 me Lulaj por që anulohet më pas nga VAR.
Partizani nuk ndalet gjithsesi dhe arrin të shënojë dy herë të tjera duke i dhënë një goditje të madhe Kukësit teksa realizuan Lika në 90’ dhe Marku në 91’. 5-0 dhe Kukësi është në krizë rezultatesh teksa Partizani po i afrohet Europës.
