Presidenti i SHBA-së Joe Biden i ka thënë Kongresit se Vladimir Putin e ka vlerësuar keq mënyrën se si Perëndimi do të kundërpërgjigjej, pasi ai arriti që ta pushtojë Ukrainën.
Në fjalimin e mbajtur, Biden u zotua për “një vendosmëri të palëkundur, duke thënë se “liria do të triumfojë gjithmonë mbi tiraninë”.
Demokratët dhe republikanët reaguan ndaj thirrjes së Biden “për të treguar mbështetje për Ukrainën, duke u ngritur në unison për këtë kauzë”.
Fjalimi i tij për situatën në Ukrainë, erdhi ndërsa amerikanët e lodhur nga pandemia përballen me inflacionin galopant.
Në një fjalim njëorësh para ligjvënësve të martën mbrëma, presidenti demokrat tha: “Lufta e Putinit ishte e paramenduar dhe e paprovokuar. Ai hodhi poshtë përpjekjet e përsëritura në diplomaci.
“Ai mendoi se Perëndimi dhe NATO nuk do të përgjigjeshin. Por ai ka menduar gabim”, tha Biden.
Biden – tërheqja kaotike e të cilit vitin e kaluar nga Afganistani dëmtoi popullaritetin e tij në mesin e amerikanëve – shtoi: “Putini e kishte gabim. Ne ishim gati”.
Ai njoftoi se SHBA do të ndalojë avionët rusë nga hapësira ajrore amerikane, pas ndalimeve të ngjashme nga autoritetet kanadeze dhe evropiane.
