Një 30 vjeçar është arrestuar nga Policia pasi qakullonte nëpër qytet më thikë me vete.
Burimet policore njoftojnë se i arrestuar është shtetasi amerikan me iniciale F.B, banues në lagjen nr.3, Korçë.
Njoftimi:
Korçë
Qarkullonte me armë të ftohtë, vihet në pranga një shtetas amerikan.
Sekuestrohet një thikë.
Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit amerikan F. B., 30 vjeç, banues në lagjen nr. 3, Korçë, pasi gjatë kontrollit fizik të ushtruar këtij shtetasi në afërsi të një resorti në malin e Moravës, Korçë, ju gjet e sekuestrua në cilësinë e provës materiale një mjet prerës (thikë).
Materialet i kaluan Prokurorisë së Rrethit Gjyqësor Korçë për veprën penale “Prodhimi, mbajtja, blerja apo shitja pa leje e armëve të ftohta”.
