Numri i njerëzve që ikin nga lufta në Ukrainë është rritur në mbi gjysmë milioni.
”Më shumë se 500 000 njerëz ikën nga lufta në Ukrainë në vendet fqinje”, sipas Komisionerit të Lartë të Kombeve të Bashkuara për Refugjatët, Filippo Grandi.
Kjo është rreth 80 000 më shumë se shifra e raportuar të dielën nga agjencia e OKB-së për refugjatët, UNHCR.
”Shumica e refugjatëve ukrainas kanë ikur në Poloni deri më tani, me rreth 300 000 të ardhur që nga shpërthimi i luftës”, sipas rojes kufitare polake.
Vetëm të dielën, rreth 100 000 njerëz thuhet se kanë kaluar kufirin e përbashkët me Poloninë.
Zëdhënësi i UNHCR-së Chris Melzer shtoi se qindra mijëra të tjerë janë zhvendosur në Ukrainë, por nuk ishte në gjendje të jepte një shifër konkrete.
Koordinatori i ndihmës emergjente të OKB-së, Martin Griffiths tha se OKB-ja dëshiron të rrisë më tej ndihmën e saj humanitare për Ukrainën, por ka nevojë për më shumë para’ dhe më shumë garanci sigurie.
“Punonjësit e ndihmës po bëjnë çmos për t’u përgjigjur. Kombet e Bashkuara kanë zgjeruar praninë e saj humanitare në Ukrainë. Ne do të vazhdojmë ta bëjmë këtë”, i tha Griffiths Këshillit të Sigurimit të OKB-së.
