Katër muaj më parë mbushi 91 vjeç, Bernie Ecclestone nuk ndalet kurrë duke i bërë njerëzit të debatojnë. Megjithatë, në një intervistë për Times Radio, ish-shefi i Formula 1 shkoi shumë më tej, me një deklaratë nderimi për Vladimir Putinin që bie totalisht ndesh me atë çfarë po ndodh aktualisht në Ukrainë.
“E kam njohur si një person të sinqertë dhe të respektueshëm. Ai bëri pikërisht atë që tha se do të bënte, pa asnjë diskutim”.
I portretizuar disa herë me të, Ecclestone shkon kundër valës dhe kundër provave. E bën këtë në një moment në të cilin sporti botëror, përfshirë edhe Formula 1, është duke mbajtur një qëndrim kundër Rusisë në konfliktin e vazhdueshëm në Ukrainë.
Mbi të gjitha Formula 1 mori masa të qarta, siç ishte anulimi i garës së planifikuar në brigjet e Detit të Zi. Nga ana tjetër mendimi i Ecclestone është padyshim i diskutueshëm:
“Mendoj se varet nga si do të jetë situata mes Rusisë dhe Ukrainës. Unë nuk mendoj se do të bëjë ndonjë ndryshim në Rusi apo jo me atë që ndodh në botë.
Vendimi nëse do të mbahet apo jo eventi i takon të gjithë grupit të FIA-s dhe Formula 1, ata do të vlerësojnë nëse është i saktë apo jo. Unë nuk mendoj se garat atje do të dëmtojnë imazhin e Formula 1 dhe nuk e kuptoj pse F1 duhet të marrë domosdoshmërisht të njëjtat vendime që janë marrë në sporte të tjera si futbolli”.
