Nënkryetari i LSI, Petrit Vasili, ka publikuar në rrjete sociale një foto me kandidatin e koalicionit opozitar ‘Shtëpia e Lirisë’ për Bashkinë e Lushnjës, Elton Bano. Vasili shprehet se Bano është një përfaqësues i shkëlqyer i komunitetit lushnjar.
Ndër të tjera, Vasili deklaron se me fitoren e padiskutueshme të Elton Banos në zgjedhjet e pjesshme të 6 marsit, merr fund arroganca dhe diskriminimi rilindas që varfëroi e zhyti në mjerim fermerët e saj punëtorë e të ndershëm.
“Me Elton Banon, përfaqësuesin e shkëlqyer të komunitetit lushnjar. Me fitoren e padiskutueshme të Elton Banos më 6 mars në Lushnjë merr fund arroganca dhe diskriminimi rilindas, që varfëroi dhe zhyti në mjerim fermerët e saj punëtorë dhe të ndershëm. Ndryshimi rrënjësor dhe gjithëpërfshirja janë e ardhmja e Bashkisë së Lushnjës.”-shkruan Vasili në rrjete sociale.
