“Edi Rama është një vrasës i shpresës së shqiptarëve. Me mendjen e tij të mbrapshtë ka vetëm një qëllim, si të ushtrojë presion ndaj qytetarëve, kënaqet me arrestimet masive të qytetarëve për fatura drite dhe uji”, tha ish-Kryeministri Sali Berisha, gjatë një takimi në Domje, ku kërkoi mbështetjen për kandidatin e “Shtëpia e Lirisë”, Lulzim Vrana për kryebashkiak të Vorës.
Berisha akuzoi Ramën se i vendosi kuksianëve, qarkut më të varfër në Shqipëri, taksën, duke gjobitur lumjanët, hasjanët dhe tropojanët me taksën që vendosi.
Ish-Kryeministri tha se Rama është përfshirë në listën e zezë si anti-shqiptar, ndaj dhe çdo votë për kandidatin e tij, bie ndesh me idealet tuaja.
Lidhur me kandidatin që garon në siglën e PD, Berisha u shpreh “Ymer, 10 herë më mirë të kishe kandidatuar si i pavarur se sa si përfaqësues i Lulzim Bravës”. Berisha tha se Basha ishte një lider i dobët, madje ka marrë mbi 73 mijë vota më pas se sa në vitin 2013.
“Sot ne kemi ngritur një opozitë të vërtetë. Ymer, këto ditë që kanë mbetur, mendoju mirë, tërhiqu nga kjo garë, mbështet Lulzim Vranën, dhe ejani të ecim sëbashku në revolucionin demokrat për rikthimin e PD në pushtet”, tha Berisha.
Ai i ka drejtuar shqiptarëve një mesazh, duke e cilësuar 6 marsin si një ditë shumë të rëndësishme për revolucionin demokratik.
“Të angazhohemi të gjithë, të fitojmë me 6 mars, dhe të largojmë një orë e më parë këtë regjim të Edi Ramës. Emigrantë kudo ku jeni, bëjuni thirrje të afërmve tuaj që të votojnë kandidatët e “Shtëpisë së Lirisë” që tia shkurtojmë rrugën kësaj Qeverie”, tha Berisha.
